ദുർഗാ പൂജാ ദിനത്തിൽ അതീവ സുന്ദരിയായി റാണി മുഖർജി. വ്യത്യസ്തതരം സാരികളിൽ അണിഞ്ഞൊരുങ്ങിയ റാണി മുഖർജിയുടെ ചിത്രങ്ങൾ സമൂഹ മാദ്ധ്യമങ്ങളിൽ വൈറലായിരിക്കുകയാണ്. താരം തന്നെയാണ് ചിത്രങ്ങൾ സമൂഹ മാദ്ധ്യമങ്ങളിൽ പങ്കുവെച്ചത്.
രാജകീയ പ്രൗഢിയുള്ള പരമ്പരാഗത സിൽക്ക് സാരി മുതൽ ദീപിക പദുക്കോൺ മുമ്പ് ധരിച്ച വെള്ള സബ്യസാചി സാരി വരെ റാണിയുടെ കളക്ഷനിലുണ്ടായിരുന്നു. പരമ്പരാഗത സുവർണ്ണ നിറത്തിലുള്ള സാരിയ്‌ക്കൊപ്പം നെക്ലേസും വ്യത്യസ്തമായ ചുവന്ന വളകളും ഹെയർ ബണ്ണും ഉപയോഗിച്ചാണ് നടി ഒരുങ്ങിയിരിക്കുന്നത്. നമ്രത സോണിയാണ് മേക്കപ്പ് ചെയ്തിരിക്കുന്നത്.
നവമിയോടനുബന്ധിച്ച് അവർ തിളക്കമേറിയതും പരമ്പരാഗതവുമായ വസ്ത്രം ധരിച്ചാണ് റാണി മുഖർജി എത്തിയത്. സിൽക്ക് ബേസ്, ഗോൾഡൻ ആക്സന്റുകൾ, ഉജ്ജ്വലമായ നിറം എന്നിവ ഇതിനെ ഒരു മികച്ച ഉത്സവ പ്രതീതി നൽകി.