രൺബീർ കപൂർ, ആലിയ ഭട്ട്, അമിതാഭ് ബച്ചൻ, നാഗാർജുന, മൗനി റോയ് എന്നിവർ കേന്ദ്ര കഥാപാത്രങ്ങളായി എത്തിയ ബ്രഹ്മാസ്ത്ര ഭാഗം 1, ഇന്ത്യൻ പ്രേക്ഷകർക്കായി ശിവ ‘അസ്ത്രവേഴ്‌സ്’ എന്ന പുതിയ പ്രപഞ്ചം തുറന്നു നൽകുകയായിരുന്നു. മികച്ച പ്രതികരണമാണ് ചിത്രത്തിന് ലഭിച്ചത്.
ചിത്രത്തിൽ അതിഥി വേഷത്തിൽ എത്തി ഷാരുഖ് ഖാനും ഞെട്ടിച്ചു. അയൻ മുഖർജി സംവിധാനം ചെയ്ത ത്രയത്തിലെ ആദ്യത്തെതാണ് ശിവ. ദേവ് എന്നാണ് രണ്ടാം ഭാഗത്തിന്റെ പേര്. ദേവ്’ എന്ന തുടർചിത്രത്തിന്റെ ടീസർ പുറത്തുവിട്ടുകൊണ്ടാണ് ബ്രഹ്മാസ്ത്രയുടെ ഒന്നാം ഭാഗമായ ‘ശിവ’ അവസാനിച്ചത്. ഇപ്പോഴിതാ രണ്ടാം ഭാഗത്തിൽ ദേവ് ആയി ആര് എത്തും എന്ന ഊഹാപോഹങ്ങളോട് പ്രതികരിച്ചിരിക്കുകയാണ് അയൻ മുഖർജി.
ബ്രഹ്മാസ്ത്ര രണ്ടാം ഭാഗത്തിൽ ദേവിനെ അവതരിപ്പിക്കാൻ ആർക്കാകും അവസരം ലഭിക്കുക എന്നതിനെക്കുറിച്ച് വിവിധ റിപ്പോർട്ടുകൾ പ്രചരിക്കുന്നുണ്ട്. നേരത്തെ രൺവീർ സിങ്ങിന്റെ പേരായിരുന്നു ഏറ്റവും ജനപ്രിയമായത്, ഹൃത്വിക് റോഷനും ഈ കഥാപാത്രത്തിനായി പരിഗണിക്കപ്പെട്ടിരുന്നു. ഒരു മാധ്യമ സംഭാഷണത്തിൽ കിംവദന്തികളെക്കുറിച്ച് പ്രതികരിക്കാൻ ആവശ്യപ്പെട്ടപ്പോൾ, ഹൃത്വിക് റോഷന് അത് നിരസിച്ചിരുന്നില്ല. കെജിഎഫ് നടൻ യാഷിന്റെ പേരും ഇടയ്ക്ക് ഉയർന്നുകേട്ടു.
ഈ ചർച്ചകളോട് അയാൻ മുഖർജി മുഖർജിയുടെ പ്രതികരണം ഇങ്ങനെയാണ്… “യാഷിനെ എനിക്ക് ഇഷ്ടമാണ്.,. ദേവായി വേഷമിട്ടാൽ നന്നായിരിക്കും. ഇല്ല, ഞാൻ തമാശ പറയുകയാണ്,” -അദ്ദേഹം തുടർന്നു. “രൺവീർ സിങ്ങിനെക്കുറിച്ച് കിംവദന്തികൾ ഉണ്ടായിരുന്നു, മറ്റു നടന്മാരെ പറ്റിയും കിംവദന്തികൾ ഉയർന്നു. പക്ഷേ എനിക്ക് ഇപ്പോൾ ഒന്നും പറയാൻ കഴിയില്ല. കൃത്യസമയത്ത് സംഭവിക്കേണ്ടത് സംഭവിക്കും എന്നതാണ് ദേവിന്റെ കഥയിലെ രസം. എനിക്ക് ഇപ്പോൾ ഇതിന് ഉത്തരം നൽകാൻ കഴിയില്ല. അതിനായി കാത്തിരിക്കൂ, കാത്തിരിപ്പിലും രസമുണ്ട്.