പേരുകൊണ്ട് വിവാദമായ ‘ഹിഗ്വിറ്റ’യുടെ ടീസർ എത്തി

വിവാദ സിനിമ ഹിഗ്വിറ്റയുടെ സെൻസറിങ്ങിൻ്റെ പിന്നാലെ ടീസറും പുറത്തിറക്കി അണിയറപ്രവർത്തകർ. സിനിമയ്ക്ക് U/A സർട്ടിഫിക്കറ്റ് ലഭിച്ചതിന് പിന്നാലെയാണ് നീക്കം.

ഹിഗ്വിറ്റ എന്ന പേരിടുന്നത് എഴുത്തുകാരൻ എൻ.എസ്. മാധവൻ എതിർത്തതോടെയാണ് സംവിധായകൻ ഹേമന്ത് ജി. നായരുടെ സിനിമ വിവാദത്തിലായത്. ഇതേത്തുടർന്ന് സിനിമയ്ക്ക് ഹിഗ്വിറ്റ എന്ന പേരിൽ റജിസ്ട്രേഷൻ നൽകില്ലെന്ന് ഫിലിം ചേംബർ നിലപാട് എടുത്തിരുന്നു.